ԿԱՄԱՎՈՐ․ՀԱՅ

Երիտասարդության մի զգալի հատված այսօր տեղեկատվության պակասի խնդիր ունի։ Նրանց մի մասը տեղյակ չէ հասարակական, համայնքային կյանքի տարբեր ոլորտներում առկա հնարավորությունների մասին և հետևապես ակտիվ մասնակցություն չի ունենում այդ ոլորտներում։ Խնդիրը եթե որոշ չափով քիչ է արտահայտված մայարաքաղաքում, ապա պատկերը այլ է մարզերում։ ՀՀ մարզերի տարբեր համայնքներում չկան հասարակական կազմակերպություններ, կենտրոններ, որոնք ակտիվ գործունեություն են ծավալում համայնքներում՝ դրանով իսկ ակտիվացնելով երիտասարդներին՝ խթանելով կամավորությունն ու երիտասարդական աշխատանքը։

Հետևաբար մարզերում բնակվող շատ երիտասարդներ տեղեկացված չեն կամավորական աշխատանքի մասին կամ տեղեկացված լինելու դեպքում պատկերացում չունեն, թե ինչպես կարող են կատարել նմանատիպ աշխատանքներ։ Բացի այդ, երիտասարդների մեծ մասը ցանկանում է կամավորկան աշխատանքներով զբաղվել և ձեռք բերել սերտիֆիկատներ, սակայն հաճախ կամավորության սերտիֆիկատ ստանալու համար պահանջվում է բավականին երկար ժամանակ և ՀԿ-ներում ներգրավելու պահանջ։

Այս հարթակը յուրաքանչյուր երիտասարդի, ով ցանկանում է անհատապես կամ խմբերով հանդես գալ համայնքային կյանքի զարգացման որևէ նախաձեռնությամբ և արդյունավետ կերպով կատարել այդ աշխատանքը, հնարավորություն է տալիս ստանալ կամավորական աշխատանքի սերտիֆիկատ՝ ըստ հարթակի կողմից նախապես սահմանված պահանջների և սկզբունքների։

Այս կայքը հնարավորություն կտա նաև տարբեր ՀԿ-ներում, այլ կառույցներում առկա կամավորական աշխատանքների մասին տեղեկանալու և դրանց մասնակցելու, իրենց հետաքրքրող ոլորտներում կամավորական աշխատանքներ կատարելու համար։ Այսպիսով, կխթանվի կամավորությունը երիտասարդության շրջանում՝ դրանով իսկ նպաստելով երիտասարդական աշխատանքի զարգացմանը և վիրտուալ ցանցի ձևավորմանը բոլոր շահագրգիռ կողմերի ներգրավմամբ։ Այս հարթակը նաև երկարաժամկետ հեռանկարում հնարավորություն է տալու երիտասարդներին աշխատանքի շուկայում ավելի արագ և հեշտ դիրքավորվելու՝ ձևավորված կապերի, կատարված աշխատանքների, կուտակած փորձի միջոցով։